الغلّوتيّات

  فولكلور > الأدب الشفاهي > الغلّوتّيات

فتحتها فتحة كتاب .. لقيت فيها الأكل والشراب

البطيخة

حبوبتي من جنها شالت جدي في سنها ؟

الشعبة

حبوبتي في ديونا تأكل في مصرانا ؟

الفانوس

الضب قال في رقبة أبوك كككب؟

الجلابية

طيراً طار من قنطار
حتت ريشو وقام عوار
بطنو السيح وضهرو النار
شدره فريده في رأسها حديده
الجن حراسها الموت في رأسها

البندقية

هي فيك وإن عرفتها بكريك ؟

الاسم

سمح الأتر

المطر

الضل الرهين

كان شالوه رطن وكان خلوه أنبطن

الجنزير

طويل وما بلحق الكعكول

الدرب

بقر ابوي رقل رقل عقالهن واحد

النجوم

حبوبتي تتجلع (تتدلع) في جلعا جاها العُصار هلعا

التبيقة.. بتعرف المترار وطريقة عزل القطن؟ في الريف بعد
عزل البذرة عن القطن المراد غزله، يتم نظافة البقايا المتواجدة في الفطن
وكذلك (نفشه) بما يطلق عليه البمباد.. وهو فرع من لحا شعر (اللعوت) طوله
حوالي المتر او ثلاثة ارباعه، يوصل طرفاه بعد ثنيه بخيط رفيع ومتين ويكون
عادة في شكل نصف دايرة.. يستخدم هذا البمباد في نظافة القطن ونفشه قبل (تراه)،
وتتحرك تلك الكمية من القطن او ما يطلق عليه التبيقة لاقل نسيم هواء..

جدي بطران في شق البيت حردان

خمارة العجين.. زمان الناس، حينما كان الرغيف معدوم او عزيز وغالي ..
كانت الوجبات الثلاثة كسرة.. فكان يؤكل عجين الليل في الفطور، ثم يخمر مرة اخري
ويوضع الكنتوش في الحر او بشق البيت عشان يخمر للعجين للوجبة التالية وهكذا..
وشبه الكنتوش المتواجد على طول في طرف البيت بالزول الحردان.

دخل القش ما قال كش

الضل

عمي المقدم يجري ويتحزم

المترار

حبوبتي في ديوانا تاكل في مصرانا

الفانوس

قطع البحر بلا عضم ضهر

الصوت

عتودي ود الحرام ...  ضبحتو الليلة وباكر قام

الصمغ - الكعكول

ملكين في ككر .... كان ده غاب ده حضر

الشمس والقمر

فشقت (شتحت) وما بالت

الراكوبة

عريانة وتكسي

جدادتى الرقيطة تجيب الخبر من تحت الواطه

الجواب

عابدة .... الفي الجروف لابدة

المركب

طاسه وطمنطاسه
في البحر غتاسه
بطنا لولي ... وضهرا نحاسا

أزرق كوميت متل السوميت
رب القدرة خلقو في الخدره

حجر حجرجر .. حجارة؟ لأ
رقبة طويلة.. نعامة؟ لأ
تبيض وتفقس.. جدادة؟ لأ
تعضي وترفس.. حمارة؟ لأ

ابوالقدح

لوح صابون في الواطه مدفون

الفجل

أحمر حيمور متل التيمور

جيت أخمو نقدتني أمو

جاي من قدام
فيه الطب وفيه الطبيب
وفيه الصيام وفيه القيام
والما بعرفو ود حرام
 

فى البيت وريحتو ما بتنشم

الملح

حبوبتى من هولا وجولا حتى الملوك عقلولا

الخمر

حبوبتى من شدتا ولضتا شايلة جدى فى رقبتا

من فوق راكوبة .. ومن تحت راكوبة ... وسطهن صبي يقلب في الهوبة

اللهاة واللسان

قدر الفيل ... وصرتها صرة منديل

الناموسية

فيها فد سنينه وفيها فد عوينه وبسسسم الله علينا

الإبرة

حبوبتى تية تية قمصاتا 100

البصلة

خمسة بلبلات .... شايلات بلبلة
شاقات الطليح ... ماشات دنقلا

عمي قصير وبصير

المخرز

عمي قصير وملان قمصان

عيش الريف

عمي أب أكتاف .. يشق الليل وما بخاف

عيشي شريته .. قمت الصباح ما لقيته

النجوم

سيفي سليته .. تاني ما بدخل بيته

اللبن

مطمورة أبو زيد ... مليانة بيض

النجوم فى السماء

عندي شجرة كبكبيق ... قطعت منها كوريق

جملي طوطاح .. لا بتركب لا بتلاح

تلاته أرادح
فوقن بيضا رادح
أم تلنقو تنتح
وأم كريشة تناتح

أللداية والحلة 3حجارة تكون تحت الحلة

البيض الرادح : عضام اللحم فى الملاح
أم تلنقو : الكمشة
أم كريشة : الطباخة التى تضوف الطعام كل شوية

مركبي تمشي الشرق والغرب .... وإن هبشتها قشة تنقلب

العين

حبوبتي أم برتيتشات ... مشت السوق وما جات

القروش

لو شفتو مابتلبسو
وإن لبستو ماتشوفو
ولمن تلبسو مابتقلعو
واسمو من تلاته حرووف

الكفن

كل ماتشيل منو أكتر اكبر اكتر

الحفرة

ضُلّه في بطنه

الجحر

مركب كبيرة .. وعساكر كتيرة .. فيها محمد ضو القبيلة

الحل ألسماء والنجوم والقمر

عينى فيها دخلت واديها

القملة

مشيها القمشي .. وجريها القمشي .. وكضاب من لقاها تمشي

الأرنب

ماشة بلا روح .... وممسّحة بلا مسوح

المركب

جاية من الغرب .... لا عجاجة لا درب

حبوبتي ام شنقنق .. في ضهر البيت تنقنق

ديك حلة فى بابلة جيت أشوفا أنقلبت صوفة (حلة : قرية)
دى الزرييعة

شوف النجم كيف بتكجم

البليلة لما تكون فوق النار

حبوبتي أم سريدبة .. بتشاغل بلا سبّة

وردن عجايز وسدرن فتوات

حميرة مدردمة تصر العين وتلوى العنقرة

هدلك هدلك فى السما معلق الما بنقره أمه تتطلق وابوه يتفلق

جاى من هبكة شايل موية فى شبكة, لقيت الحجر بيقح ضربته لامن مرق المخ

عمى طويل قلقاتو فى حلقو

بطيختى بطيخة الريف ما بيحلها إلا النبى الشريف

شعيبة شايلة كعيبة وكعيبة شايلة رقيبة ورقيبة شايلة كلفت وكلفت ماشى ويتلفت

أحمر كاك .. الما بتلاك

الشطة

داك صبياً جانا من أهلنا .... وقت شافنا قوقى وغنّا